Bi 82% fo allne Beatles Songs gohts om Liebi, well
stod ufem News-screen im Zog
82%? wender mi eigetli verarsche?
wemmer das imne Song eruiert, de eruiert mers au im Läbe
okay, los! berächnid üchi Liebi
ond stelled Regle uf wo si aafod, wo si ufhört
möched üch es ganz genaus Beld drus
zemmerid e stiiffe, stabile Qualitätsrahme dromome
woner chönd ufhänke ond üchne Frönd*inne ond Eltere zeige wenns chömed zo üch go di neu Wohnig aluege
i chorzärmlige, karrierte Hömmli
als Beleg, dass ehrs gschafft hend, dass ehr ganz secher ned zu dene ghöred
wo ellei send, wo wiissi Wänd hend dehei, wo kes Schätzli ufem Sperrbeldscherm lachet
oder fended söscht en Frame wo passt, e digitale
eine zum share uf allne fucking Flatscreens
womer alli 100x meh streichled als üs sälber
ech versuech ide Zwöscheziit d'Liebi z'fühle, wenn si passiert
ech versuech ide Zwöscheziit d'Liebi z'fühle, wenn si passiert
ha! Liebi, hesch gwösst, bi 82% fo allne Beatles Songs -

wer dänkt sech das us?
wenn chömed äntlech Add-blocker förs Real Life?
oder passend zode Noise-cancelling Chopfhörer e Bullshit-cancelling Sonnebrölle, he?
i welere Wält wemmer läbe? esches eini wome Wärbig öberchond förne App wodi vor Wärbig schötzt
esches e Wält wo Strosselatärne ide Nacht abstelled zum Energie spare womer dröber diskutiert was ez gföhrlecher esch
wenn Lampe aagönd emmer det wo grad öper dörelauft ond me das gsed oder wenns äfach hell bliibt ide Strosse zwösche de Hüser
wo voll send met abgfuckte Männer
ech akzeptieres ned
aber let it be
let it be Haubi
let it be

ech cha ned, bsoffe bes obenuse voll met iidröck
Alkohol bruchi ned zum mi voll hühle - hohl fühle do
ech weiss, besch rächt ellei, met dem Läbesgfühl ide S1
näbe mer korrigiert öper Essays
huere föörig, Läbeszeiche e keis
verreise dör eis zwoi Schiebetööre is nöchschte Level
woni scho di nöchschte Lieder ghöre, tüüfe Pegel
höchi Frequänze abem Handy
Tüüfgang in Gedanke, Dank em Brandy
weder nome Schwänz, streamed Trap oder ähnlechs
spreized de Gender-gap zwösche erne Bei ufem SBB-Setz jaa,
ergendwie eschs auno härzig rappt eine chli met
d'Euphorie vorem Usgang, s'Nonie-gseh-ha-wies-usgohd
eine fode Bro's treid Eyeliner!
mini Hoffnig esch zrogg!
ha jo sälber emmerno Vorurteil hey, log
ech schaffe dra ond chnüüble am abblätterete Nagellagg ond du so?
mini Hoffnig esch zrogg!
mini Hoffnig esch zrogg!
mini Hoffnig esch zrogg!

dey loves you, yeah yeah yeah